Ata oğlunu cəza olaraq 17 saat smartfonda oynamağa məcbur etdi

Huang adlı Çin sakini oğlunun gecə saatlarına qədər sakitcə mobil oyunlar oynadığını aşkar edib və onu ardıcıl 17 saat oynamağa məcbur edərək cəzalandırmaq qərarına gəlib.

Sfera.az bildirir ki, ata oğlanın dərsdən əvvəl kifayət qədər yatmaq əvəzinə, bütün gecəni gizlicə smartfonunda oynadığını görüb. Oğlunun davranışı Xuana pis təsir edib, çünki bunun övladının məktəb fəaliyyətinə mənfi təsir edəcəyindən əmin idi.

Ata həyat yoldaşı ilə məsləhətləşdikdən sonra məktəbə zəng edərək oğlana bir günlük icazə vermələrini xahiş edib. Daha sonra oğluna bütün günü telefonda oyun oynayaraq, yatmayacağını bildirib. Oğlan əvvəlcə çox sevinib, lakin bir müddət sonra bədənindəki yorğunluq və ağrılardan şikayətlənməyə başlayıb. Atası ona dayanmağı qadağan edib. Uşaq oyun vaxtı yuxuya getsə də, atası onu oyadıb və davam etməsini tələb edib.
Xuan oğlunun yanında oturub və ona nəzarət edib. Nəticədə ata oğlanı ardıcıl 17 saat oynamağa məcbur edib.

Nəhayət, məktəbli atasına mərhəmət üçün yalvarıb və bir daha gecə oynamayacağına söz verib. O, hətta bu vədi təsdiqləyən məktub da yazıb.

Bundan əlavə, Xuan oğluna iş günləri yarım saat, həftə sonları isə bir saat oynamağa icazə verdiyini bildirib. Kişi uşağın cəzanın öhdəsindən gələcəyinə əmin idi, lakin digər valideynləri onun təcrübəsini təkrarlamamağa çağırıb.