Evdə koronavirusa yoluxan varsa, ailənin digər üzvlərini necə qoruyaq?

Koronavirusa yoluxub ev şəraitində sağalanların sayı kifayət qədərdir. Sağalma prosesini sürətləndirmək və COVID-19-un ailənin digər üzvlərinə keçməsinin qarşısını almaq üçün bir sıra şərtlərə əməl etmək lazımdır.

“zirvetv.az ” “Medikforum”a istinadən xəbər verir ki, insan orqanizmi immun sisteminin işi sayəsində COVID-19-un öhdəsindən gələ bilər və ya yoluxmuş hissəciklərin yalnız çox kiçik bir hissəsini aldıqda infeksiyanı asanlıqla keçirə bilər. Bu səbəbdən yeni yoluxmuş insanın qaldığı evdə digərlərinin maska taxması lazımdır. Maskanı tez-tez dəyişdirmək mütləqdir. O zaman biz ailə üzvlərini daha böyük əminliklə infeksiyadan qoruya bilərik.

Bundan başqa, pəncərələri açaraq mənzili mümkün qədər daha tez-tez havalandırmaq lazımdır. Belə olan halda təmiz hava axını otaqdakı virus hissəciklərinin konsentrasiyasını azaldır.

Eyni zamanda müntəzəm olaraq otağı nəm parça ilə silmək lazımdır. Evin bütün səthlərini, xüsusən də ən çox toxunulan səthləri xlor tərkibli vasitə ilə təmizləməyə ehtiyac duyulur.