Deputat şəhid ailələri ilə birgə açılışda

Milli Məclisin deputatı Anar Məmmədovun təşəbbüsü ilə Goranboy rayonunun Borsunlu kəndində 200-ə yaxın ailənin, həmçinin şəhid ailələrinin həyətyanı torpaq sahələrinin suvarılması üçün su çəni istifadəyə verilib.


Mərasimdə Goranboy Rayon İcra Hakimiyyətinin məsul əməkdaşları, şəhid ailələri, kənd sakinləri, rayonun ağsaqqalları və ziyalıları iştirak edib.

Millət vəkili Anar Məmmədov çıxış edərək, son illər respublikanın iri şəhər və rayon mərkəzləri ilə yanaşı, kənd və qəsəbələrin də su təchizatının yaxşılaşdırılması istiqamətində təxirəsalınmaz tədbirlərin həyata keçirildiyini vurğulayıb.

Çıxış edən şəhid ailələri onların sosial problemlərinin həllinə göstərdiyi diqqət və qayğıya görə ölkə başçısına minnətdarlıqlarını bildiriblər.