Bakıda yaşayış binasında yanğın

Paytaxtın Xətai rayonunda yaşayış binasında mənzil yanıb.

“zirvetv.az ” xəbər verir ki, hadisə axşam saatlarında Həzi Aslanov metro stansiyasının yaxınlığındakı binalardan birində baş verib.

Hadisə yerinə yanğınsöndürən maşınlar cəlb olunub. Yanğının qarşısı alınıb.

***

FHN də yanğınla bağlı məlumat yayıb.

Bildirilib ki, Bakı şəhəri, Xətai rayonu, Xudu Məmmədov küçəsində çoxmərtəbəli yaşayış binasının 10-cu mərtəbəsində ümumi sahəsi 94 m² olan ikiotaqlı mənzilin (hazırda təmir olunan) eyvanında 4 m² sahədə məişət tullantıları yanıb.

Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələrinin çevik müdaxiləsi nəticəsində yanğın qısa müddət ərzində məhdudlaşdırılaraq söndürülüb. Mənzil yanğından mühafizə olunub.