Kabildəki partlayışlarda ölənlərin xatirəsini sükutla yad etdi

ABŞ Prezidenti Co Bayden Kabil aeroportu yaxınlığındakı partlayışlar nəticəsində həlak olanların xatirəsini yad etmək üçün bir dəqiqəlik sükut elan edib.

“zirvetv.az ” TASS-a istinadən xəbər verir ki, müvafiq bəyanatı amerikalı lider Ağ Evdə çıxış edərkən verib.

“Sizdən xahiş edirəm ki, son borcunu yerinə yetirən hərbçilərin və mülki şəxslərin xatirəsinə bir dəqiqəlik sükutda mənə qoşulasınız”, - Bayden bəyan edib.

Daha əvvəl ABŞ Prezidenti Co Bayden Əfqanıstanda baş verən son hadisələrə görə tam məsuliyyət daşıdığını bəyan edib.

Cümə axşamı günü Kabil aeroportunun binası yaxınlığında iki partlayış törədilib. KİV-in son məlumatına görə, 12 ABŞ hərbçisi daxil olmaqla, azı 90 nəfər həlak olub.