Salyanda ağır qəza, iki qardaş öldü
Salyanda iki nəfərin ölümü ilə nəticələnən ağır yol-nəqliyyat hadisəsi baş verib.
"Zirvetv.az_ın " məlumatına görə, hadisə Yenikənd kəndi ərazisində qeydə alınıb.
Belə ki, "Kia" markalı minik avtomobili ilə "Kamaz" markalı yük maşını toqquşub.
Qəza nəticəsində minik avtomobilinin sürücüsü, 1985-ci il təvəllüdlü Asif Mirzəyev və qardaşı 1987-ci il təvəllüdlü Vasif Mirzəyev həlak olub.
Qəzada ölən qardaşlar Cəlilabadın Alar kəndinin sakinləri olub.
Faktla bağlı araşdırma aparılır.