Ərdoğanla Zelenskinin telefon danışığı oldu

Türkiyə Prezidenti Rəcəb Tayyib Ərdoğanla ukraynalı həmkarı Volodimir Zelenski arasında telefon danışığı olub.

“zirvetv.az” xəbər verir ki, bu barədə Türkiyə Prezident Administrasiyası məlumat yayıb.

Bildirilib ki, telefon söhbətinin əsas mövzusu Rusiya-Ukrayna müharibəsindəki son vəziyyət olub.

Ərdoğan NATO-nin Liderlər Zirvəsində Ukraynanın ərazi bütövlüyünə dəstəyini vurğuladığını, ikitərəfli müzakirələrdə Türkiyə olaraq nümayiş etdirdikləri diplomatik səyləri liderlərlə bölüşdüyünü ifadə edib.

Ərdoğan bu prosesdə əllərindən gələn bütün köməyi göstərdiklərini dilə gətirib.

Zelenski də Tvitter hesabında telefon söhbəti barədə paylaşım edib. O, qida böhranı təhdidi ilə bağlı Ərdoğanla müzakirə apardıqlarını yazıb. Ukrayna lideri göstərdikləri dəstəyə görə Türkiyəyə minnətdarlığını bildirib.