Rusların hücumu nəticəsində Ukraynada neçə uşaq ölüb?

Rusiyanın Ukraynadakı hərbi əməliyyatları zamanı 16 gün ərzində 79 uşaq həlak olub, 100-ə yaxın uşaq isə yaralanıb.

“zirvetv.az ” xəbər verir ki, bu barədə Ukrayna Baş Prokurorluğu məlumat yayıb.

"Qurbanların əksəriyyəti Kiyev, Xarkov, Donetsk, Sumı, Xerson və Jitomir vilayətlərində olub. Rusiya Federasiyası silahlı qüvvələrinin aktiv döyüşlər apardığı atəş yerlərini yoxlamaq imkanının olmaması səbəbindən bu rəqəm yekun deyil", - prokurorluqdan bildiriblər.

Qeyd edilib ki, hazırda Ukraynada 280-dən çox təhsil müəssisəsi dağıdılıb, onlardan 9-u tamamilə məhv edilib. Donetsk vilayətində 110, Sumı vilayətində 28, Kiyevdə 17 təhsil müəssisəsi zərər görüb.

Həmçinin, 10-dan çox uşaq tibb müəssisəsinə ziyan dəyib.