Quterriş Əfqanıstan üzrə nazirlər görüşü keçirəcək

BMT-nin baş katibi Antoniu Quterriş sentyabrın 13-də Cenevrədə Əfqanıstana humanitar yardım üzrə nazirlər görüşündə iştirak edəcək.

“zirvetv.az ” TASS-a istinadən xəbər verir ki, bu barədə Baş katibin ofisinin bəyanatında deyilir.

“BMT Əfqanıstan xalqı ilə həmfikir olaraq qalır, buna görə də Baş katib ölkənin artan tələbatlarını ödəmək məqsədi ilə sentyabrın 13-də humanitar nazir görüşünü yüksək səviyyədə çağırmaq üçün Cenevrəyə gedəcək”, - sənəddə deyilir.

Baş katibin nümayəndəsinin sözlərinə görə, görüş ölkədə humanitar əməliyyatın maliyyələşdirilməsini artırmağa, həmçinin əfqanların əsas xidmətləri almağa davam etmələri üçün tam və maneəsiz humanitar çıxışın təmin edilməsinə yönəldiləcək.

“Əfqanıstan humanitar fəlakətin astanasındadır”, - deyə Quterriş ofisinin bəyanatında bildirilir. Baş katibin nümayəndəsinin sözlərinə görə, BMT ona ehtiyacı olan milyonlarla insana yardım göstərməyə sadiq qalır.