İrəvanda polislə aksiyaçılar arasında toqquşma oldu, yaralılar var - Yenilənib

Ermənistan müxalifəti paytaxt İrəvanda yenidən mitinq keçirir.

“zirvetv.az” “TASS”a istinadən xəbər verir ki, mitinq “Fransa” meydanında başlayıb.


3
Xatırladaq ki, Ermənistan müxalifəti aprelin sonundan paytaxt və bölgələrdə Baş nazir Nikol Paşinyanın və cari hökumətin istefası tələbi ilə etiraz aksiyaları keçirir.

***

İrəvanda polislə etirazçılar arasında toqquşma olub. Təhlükəsizlik qüvvələrinə butulkalar atılıb. Polis Ermənistanın baş naziri Nikol Paşinyanın iqamətgahı yaxınlığında müxalifət nümayəndələrinə qarşı səs qumbaralarından istifadə edib.

Qeyd edək ki, müxalifətin yürüşü yerli vaxtla saat 16:40-da başlayıb. Şəhərdən keçərək Respublika meydanına doğru hərəkət edən etirazçılar qarşısında çoxlu sayda xüsusi təyinatlı əsgərlərin olduğu hökumət binasına yaxınlaşıblar.

***

Toqquşmada 42 nəfər tibbi yardıma müraciət edib. Onlar tibbi müayinədən keçirilirlər. Səhiyyə naziri Anahit Avanesyan və nazir müavini Armen Nazaryan hazırda universitet xəstəxanasındadırlar.